فرســــــــ العرب ــــــان
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 شروط المدير بعد كم شهر من افتتاح المنتدى ههههههههه

اذهب الى الأسفل 
كاتب الموضوعرسالة
شرشورة



المساهمات : 134
تاريخ التسجيل : 22/03/2008

مُساهمةموضوع: شروط المدير بعد كم شهر من افتتاح المنتدى ههههههههه   السبت مارس 22, 2008 7:20 pm

هذي الشروط من مدير الموقع بعد ان جائته حاله من الطفش من كثر مشاكل الأعضاء والموقع فاقرؤو ماذا قال:::

~~~~~~~~~~~~~~~~~~~~ ~~~~~~~~~~~~~~~~~~~
لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد الحرب الباردة :

اعرفوا الشروط زين....وافهموها....و اللي ما يبي هالشروط جعل اصبيعاته اللي طقت على الكيبورد للكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا ياالجحلط

بما ان هذا الموقع موقعي بلحالي لابارك الله فيكم ولا في الساعة اللي فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط هي...

1- اللي يسب اي واحد من الاعضاء نبي نجيه وبنربط حواجبه في صدامات الهايلكوس وبنروح ونطعس فيه باقرب طعس ...همني قايلكم حنا ما نلعب

2- لما تكتب موضوع خل البقيه يجون ويتميلحون ويتهاوشون بس بحدود وخلهم براحتهم.....واللي بيقلبها سب...عز الله ان امه داعيه عليه...لاني ابحتريه وقت صلاة الفجر بالعجرا وابشخمط وجه وابخليه يغني اغنية...خروفي خروفي لابس بدله صوفي...له رجلين واربع عينين...من كثر ما امحطه بالعجرا.....همني قايلكم حنا ما نلعب

3- اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وابجدعه على خوص نخله...علشان ما يتعود لها همني قايلكم حنا ما نلعب

4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا ولا افهمكم...

5- الساحه الرياضيه لكم ثنتين...واللي ماهو هلالي لايوطوط فيذاك ....ساحة ابو جدي وانا حر فيها ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه حاجه تنوكل <<<ما قلنا تنشرب

6- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعة هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش. ..ساحتنا وحنا حرين فيها

7- ياويلك ويا سواد ليلك لو تعطي احد كلمة الضروس....الا عندي سؤال ليه سموها كلمة سر...ليه ما سموها كلمة خشم ولا ضرس ولا مصران احول قصدي اعور.....طبعا قايلكم ساحتنا وحنا حرين فيها

8- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه مع علباه...وبعدين بناخذه لا اقرب بير...وبنغطسه وبنطلعه...ونغطسه ونطلعه الين ماهي خلف الين مايقول....اشهد ان الددسن سياره...واشهد ان التفحيط ما هو بالشطاره ولا بالمصاله.....التفحيط فن يا هوووووه واشر لي بالمنديل يا هووووه قال انا ماشي....اقول لا تكثر بربستكم يا هوووه....وش هالمسكه الغلط.....همني قايلكم ما نلعب...

9- قريتوا الشروط........هاه عجبتكم....فهمتوها... طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....

10- كلنا عيال قريه وكلن يعرف خيه...

11- هماني قايلكم حنا ما نلعب

الان اسماء المنتديات بعد التعديل :-

* منتدى شخبط وخمبق ترى محد لمك.....المنتدى العام سابقا

* منتدى شاعر في المشمش......المنتدى الشعري سابقا

* منتدى مواضيع مهناش احد.....منتدى المواضيع الجاده سابقا

* منتدى معاهم معاهم عليهم عليهم. ...المنتدى الرياضي سابقا

* منتدى كن صديقي.....منتدى المواضيع المتميزه

بالنسبه للبريد ان شاء الله في السنه الجايه زي هالحزه ما حنا حاطينه كخخخخخخخخخخخ....ماعندنا

بالنسبه للمحادثات....تسان ودكم نسوي لنا طلعة بر على الطبيعه ازين...

ملاحظه......

اللي بنكتشف انه رجال مشورب ويكتب باسماء اناثي...ولا اناثي تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم

موافق

غير موافق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
Admin

المساهمات : 76
تاريخ التسجيل : 19/03/2008

مُساهمةموضوع: رد: شروط المدير بعد كم شهر من افتتاح المنتدى ههههههههه   الأحد مارس 23, 2008 8:11 am

هههههههههههههههههههههههههههههههههههههههههههه

الله يرجه

الله يستر اذا ماسوينا مثله بعدين

الله يستر ماهي بعيده خخخخخخخخخخخخخخخخ


شكرا على رسم الابتسامه على القاري

**********

السلطان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alfrsan.ibda3.org
شرشورة



المساهمات : 134
تاريخ التسجيل : 22/03/2008

مُساهمةموضوع: رد: شروط المدير بعد كم شهر من افتتاح المنتدى ههههههههه   الأحد مارس 23, 2008 12:01 pm

ياخوفي ندخل بعد كم يوم ونلاقي هذي الشروط تستقبلنا في اول صفحه

الشكر موصول لك اخوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ليه كذا

ليه كذا

المساهمات : 45
تاريخ التسجيل : 22/03/2008

مُساهمةموضوع: رد: شروط المدير بعد كم شهر من افتتاح المنتدى ههههههههه   الإثنين مارس 24, 2008 1:53 pm

هههههههههههههههههههههههههههه خخخخخخخخخخخخخخخخخخخخخخخ هههههههههههههههههههههههه مشكووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مستر شخطه

مستر شخطه

المساهمات : 77
تاريخ التسجيل : 22/03/2008

مُساهمةموضوع: رد: شروط المدير بعد كم شهر من افتتاح المنتدى ههههههههه   الإثنين مارس 24, 2008 7:04 pm

خخخخخخخخ

حلووه مشكوره شرشوره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شرشورة



المساهمات : 134
تاريخ التسجيل : 22/03/2008

مُساهمةموضوع: رد: شروط المدير بعد كم شهر من افتتاح المنتدى ههههههههه   الإثنين مارس 24, 2008 10:22 pm

ليه كذا

مستر شخطه

تشرفت بمروركم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شروط المدير بعد كم شهر من افتتاح المنتدى ههههههههه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فرســـ العرب ــــان :: قســـــم الالعاب والتسلية :: ترفيه وتسليه فرسان العرب-
انتقل الى: